Il november 2023 ha il chantun Grischun registrà 1’248 persunas dischoccupadas, quai che correspunda ad ina quota da dischoccupaziun da 1,2%. En cumparegliaziun cun il mais precedent cun 1’108 persunas dischoccupadas è il dumber da las persunas dischoccupadas creschì per 140 persunas. L’augment da la dischoccupaziun è cundiziunà stagiunalmain, e causa la fin da la stagiun da stad ed atun en il turissem sco era gia per part en la sparta da construcziun.
Da las 1’248 persunas dischoccupadas eran 556 dunnas e 692 umens. Il pli aut dumber da dischoccupads ha registrà l’hotellaria (460) e l’industria da construcziun (136). Il november 2023 han ins dumbrà 36 persunas dischoccupadas per lunga durada. En cumparegliaziun cun il mais precedent n’è quest dumber betg sa midà.
Svizra
En l'entira Svizra è il dumber dals dischoccupads creschì da 93'563 sin 98'011. La quota svizra da dischoccupaziun munta a 2,1%.
Lavur curta en il Grischun
Il november 2023 è vegnì pajà indemnisaziuns per lavur curta a 45 manaschis. En cumparegliaziun cun il mais precedent cun 72 manaschis è il dumber sa reducì cleramain.