A Zuoz hai dà in accident da traffic cun 3 vehichels involvids. Duas persunas sajan blessadas, scriva la polizia chantunala. In auto da furniziun saja collidà sin la via chantunala cun in auter auto da furniziun ch'è vegnì encunter.
![Unfall Zuoz](https://www.rtr.ch/static/cms/images/960w/0cb4d4.jpg)
Era vegnì tschiffà è sin quai in bus pitschen. Ils dus manischunzs dals autos da furniziun èn vegnids transportads en l'ospital. L'accident è capità ier suentermezdi.
Ad Igis è in manischunz d'in tractor collidà cun ina peduna. La roda dretga dal tractor ha tschiffà ina dunna, cura ch'el è ir a la dretga.
![Unfallort Igis](https://www.rtr.ch/static/cms/images/960w/2f69e6.jpg)
L'ambulanza ha transportà la dunna cun ina blessura da la chomma en l'ospital. Era quest accident è capità ier suentermezdi, da las 17:30.
A Domat è curt avant mesa notg in töffist giuven collidà cun in mir d'ina rundella. El è vegnì purtà en l'ospital chantunal cun blessuras, la raschun da l'accident vegn investigada da la Polizia chantunala.