La radunanza generala da la societad Cooperativa Tessitura di Valposchiavo ha decidì da schliar quella. Per la fin da matg 2024 vegn smess cun la producziun. Las quatter emploiadas vegnan relaschadas. Quai rapporta la gasetta online «ilbernina».
La direcziun haja proponì d’instradar questa procedura betg aviond in’autra soluziun. I na manchian betg mo ils raps, l’interpresa dovra ina nova entschatta. Ils commembers da la societad sajan da buna speranza ch’i vegn a dar ina nova instituziun, tut tenor en furma d’ina fundaziun. Ideas sajan avant maun, dentant na sajan ellas betg anc concretas, uschè il tenor suenter la radunanza generala da la Cooperativa Tessitura di Valposchiavo.
Adattà al tema
La Tessitura Valposchiavo è anc ina da las ultimas tessarias en Svizra. Ella è in’interpresa istorica, exista dapi l’onn 1955.
