Tschiel blau e sulegl tut a dubel. Uschia è l’aura sa preschentada durant ils firads en las muntognas. A Lai han perquai blers prendì la chaschun d'ir cun skis. Tenor Peter Engler, il manader da las pendicularas a Lai, haja dà durant ils firads fin 28’000 persunas ch’han chattà mintga di la via sin las pistas.
-
Bild 1 von 6Legenda: Ina cuntrada sco malegià. RTR, Lukas Quinter. -
Bild 2 von 6Legenda: Dus turists da la Germania tegnan airi per in portrait. RTR, Lukas Quinter.
-
Bild 3 von 6Legenda: "La cuntrada muntagnarda è bellezia" di in turist dal Danemarc. RTR, Lukas Quinter.
-
Bild 4 von 6Legenda: I va taiss dal crest si cun la sutgera. RTR, Lukas Quinter.
-
Bild 5 von 6Legenda: La staziun a mez "Scharmoin". RTR, Lukas Quinter.
-
Bild 6 von 6Legenda: Blera glieud stat en retscha per ir sin il Corn Cotschen. RTR, Lukas Quinter.
Giudair l’atmosfera ed in bun menu
Saja i sin il Piz Cotschen, saja i a la staziun a mez «Scharmoin» – da Son Silvester èn tuttas sutgas e maisas da las differentas ustarias stadas emplenidas cun turists.
Trais giuvens da Turitg èn stads cun la bell'aura mintga di sin pista. En l’ustaria cun il num «Scharmoin» mangian els gentar. Ils plats èn vids ed il «schnitzel» cun «pommes frites» gia en il magun. In declera ch’i dettia bunas purziuns ed ils menus sajan da buna qualitad.
Ina che prepara tiers ils menus, tranter auter era pizza, è la Gabi che vegn oriundamain da l’Africa dal Sid. Suenter ch’ella ha finì il studi da hotellaria lavura ella durant la stad sco «Allrounderin». En ils davos dis da l’onn haja ella fatg fin 400 pizzas.
Tar l’Àpres-Ski cula l’alcohol
A la gronda bar sper la staziun a mez «Scharmoin» vegn lavurus servì differentas bavrondas alcoholicas, tranter auter «Fröschli», «Cafe Luz» ni era gervosa. Dals autpledaders vegn schlagher ed i vegn ris e fatg sgnoccas. Quatter giuvens da Turitg, che portan tuts egliers da sulegl, giaudan la bell'aura.
Far apres-Ski è ina obligaziun. Dentant duess ins natiralmain baiver cun mesira.
RTR actualitad 12:00