Tavau ha approvà da bajegiar or la scola a Tavau Plaz. Ed er Gea dian abitantas ed abitants ad engrondir la zona d'industria a Gadastatt-Tanne. Omadus projects han gì cleras maioritads. La vischnanca da Tavau ha mess las infurmaziuns sin sia pagina d'internet.
Engrondiment da la scola
Quest engrondiment duai custar 17,5 milliuns francs e duai garantir che la scola po offrir ina scola dal di. Raschun è che adina dapli geniturs lavuran ed ils uffants ston vegnir survegliads er suenter las uras regularas da la scola.
Dapli spazi per mastergn
Sco segund ha Tavau approvà la revisiun parziala da la planisaziun locala. Quella è stada necessaria per stgaffir ina pli gronda zona industriala. La midada da la planisaziun procura ch'ina parcella che vegneva fin uss betg duvrada, po vegnir nizzegiada.
