Legenda:
Tgi che cumpra in abunament general duai survegnir vitiers fin duas cartas dal di che valan per in auter territori.
MAD, Grischun Vacanzas
cuntegn
Sustegn dal chantun - Mez milliun per pendicularas
Il chantun sustegn las pendicularas grischunas cun 500'000 francs. En il rom da la Nova politica regiunala da la Confederaziun sa participescha il chantun al project «graubündenCARD 2020». La finamira è da promover la prevendita d'abunaments annuals.
Clientas e clients che cumpran in abunament annual survegnian vitiers in bon per ina u duas cartas dal di tar in'autra pendiculara grischuna. En il rom da la Nova politica regiunala da la Confederaziun vegnan ils custs da 500'000 francs repartids mez e mez sin il chantun e la Confederaziun.
Dasper quest'acziun cun bons duai vegnir elavurà uschenumnadas «AGB corona» per las collavuraturas ed ils collavuraturs da la Federaziun interprofessiunala Telefericas dal Grischun. Quellas cundiziuns generalas da fatschenta (AGB) garanteschan ch'ils giasts survegnian cumpensà eventuals dis che crodan ora.
