Els vegnan numnads atlets professiunals, fan part dal «SwissSkills National Team» ed han trenà cun agid da coachs ed experts durant in onn intensivamain per il campiunadi mundial da mastergns. Il spezial tar els dus è ch'els prendan part sco team a questa concurrenza.
Nus avain differentas rollas. Jau programmesch ed el è responsabel per la construcziun. Uschia pudain nus far lavurs pli cumplexas.
Els sa cumpletteschian fitg bain, din ils dus giuvens automatichers che lavuran en differentas firmas. Enrico ha gist finì ses emprendissadi tar la firma CEDES a Landquart, e Florentin è en l'ultim onn da sia scolaziun ad Uzwil tar la firma Bühler SA. Lur vias èn sa cruschadas tar la selecziun per ils «IndustrySkills2023» a Berna. Dapi lura èn els in team. Tuts dus èn fitg focussads e motivads da sa perfecziunar ed optimar lur «skills». Lur schanzas sin ina medaglia a Lyon vesan els sco realisticas.
La viadi enfin Lyon
-
Bild 1 von 6Legenda: La delegaziun svizra a Lyon. SwissSkills -
Bild 2 von 6Legenda: Concentraziun totala durant la lavur. SwissSkills
-
Bild 3 von 6Legenda: Trenament, co lavurar cun las medias. SwissSkills
-
Bild 4 von 6Legenda: Era la fitness è vegnida trenada. SwissSkills
-
Bild 5 von 6Legenda: Trenament mental – era quai è dumandà. SwissSkills
-
Bild 6 von 6Legenda: Cun lur coach Nicolas Godel en la China. SwissSkills