A Val S. Pieder è ina stalla brischada cumplettamain sonda saira. Durant emplenir il ladritsch da la stalla cun agid d'in suflafain han ins constatà sbrinzlas. Entant che la glieud al lieu ha alarmà la polizia, ha la persuna ch'era sin il ladritsch pudì bandunar la stalla senza sa blessar.
Ils pumpiers n'hajan dentant betg pudì evitar, che la stalla è brischada giu fin sin ils mirs da fundament, scriva la Polizia chantunala. Daco precis ch'igl ha piglià fieu sto anc vegnir sclerì.