Suenter blers onns da total ruaus è l'Ustaria Lechmann a Sumvitg durant dus dis puspè stada plaina da glieud. La possessura Flurina Cahannes e las duas curaturas Natalia Huser e Vera Ida Müller han organisà dus dis plain cultura.
Il mument na datti anc nagins plans concrets per la chasa amez Sumvitg. Pussaivel è tut, sclaus nagut. Per dar la pussaivladad a tuts interessads da prender invista da la chasa, han ins organisà la sonda e dumengia in'exposiziun en l’anteriura ustaria. Quai cun in vast program accumpagnant cun musica, concerts e guidas.
Bildergalerie
-
Bild 1 von 4Legenda: Exposiziun en la chasa Lechmann RTR, Reto Pfister -
Bild 2 von 4Legenda: Il temp è propi stà airi! RTR, Reto Pfister
-
Bild 3 von 4Legenda: Ils participants al podium da discussiun RTR, Reto Pfister
-
Bild 4 von 4Legenda: La sala da teater era fullanada durant la discussiun al podium RTR, Reto Pfister
Quo vadis, chasa Lechmann?
Sut quest titel è il podium da discussiun stà. Sur dals privels e las schanzas per la chasa entamez il vitg e prest en via chantunala han discussiunà: il schurnalist ed etnolog Peter Egloff, la manadra da la Chasa d'Angel a Lumbrein Anna-Louise Joël, l'intendant da Origen Giovanni Netzer e Cordula Seger, la manadra da l'Institut per Scienza culturala dal chantun Grischun.
Questa sala da teater è in bijou. Per mai ina da las bialas salas en il Grischun