Uniuns datti bleras: chors, musicas, uniuns da giuventetgna, ed uschia vinavant. In'uniun exclusiva datti dentant: l'uniun dals mats ledis en Surselva. Questa uniun n'ha però dal reminent betg l'intent che lur commembers na maridan mai.
Finamira oriunda principala era da mintgamai pudair festivar il prender cumià da l'esser ledis cun ina detga festa da barlot. Ussa pudain nus far quai betg be ina giada, mabain 10 giadas.
Sco tar tut las uniuns vai dentant era per tgirar il contact tranter ils commembers. Sper las festas da barlot (Polterabend) s'inscuntran ils commembers da l'uniun era ad occurrenzas regularas durant l'onn:
Nus avain quatter giadas l'onn inscunters per giudair la cumpagnia. Grazia a nossas contribuziuns annualas na stuain nus, avant las occurrenzas, mai far patratgs pervia da las finanzas.
Era suenter ch'in commember marida na sto el betg bandunar l'uniun. Co che quella duai però avair num suenter che tuts han maridà n'è betg definì en ils statuts.