Ils emprims dus dis da l'emna vegn fatg biera, la mesemna, gievgia ed il venderdi èn deditgads a la producziun da salmun fimentà.
Per motivs e prescipziuns d'igiena , separain strictamain la producziun dals dus products
Per la producziun dals dus products è Wolfgang Kuhn responsabel. Sco anteriur cuschinier ha el gia elavurà salmun da ses temps sco ustier en l'Argovia . Quai cun la bieraria saja in siemi ch'el haja gì schon daditg, ussa sappia el finalmein realisar el.
-
Bild 1 von 2Legenda: Amez vitg, sper via principala sa chatta il local. RTR, P.Bigliel -
Bild 2 von 2Legenda: Trais differentas sorts da biera vegnan fatgas a Trun. RTR, P.Bigliel
Cunquai ch'els possedan ina chasa a Trun ed eran uschia regularmain en Surselva, sajan els vegnids attents sin il local vid amez il vitg da Trun. Uschia ch'els hajan decidì da vegnir a star a Trun e far qua ina nova entschatta.
Anc na pon els betg viver sulettamain da lur products, uschia che omadus lavuran anc dasperas. L'interess per lur products sajan buns, uschia ch'els quintan augmentar la producziun. Lur situaziun da vita a Trun saja ideala, era sch'els lavurian ussa bler, saja la qualitad da vita bler megliera cumpareglià cun il stress da pli baud.