En tut ils territoris da la vischnanca da Trin han ins constatà che la canera cuntanscha in nivel considerabel. Tenor las evaluaziuns dal chantun vegni en futur a dar tar la Via sursilvana e tar la via da Trin divers surpassaments da las limitas da canera. Tar la Via principala percunter – ch'è ina via communala – na vegni tenor il chantun dentant betg a dar gronds surpassaments da las limitas.
Il chantun sco proprietari da quellas vias è obligà da realisar mesiras cunter la canera. Perquai vegnan remplazzadas – durant ils proxims 5 onns – las cuvridas actualas da la Via sursilvana ch'èn circa 15 fin 25 onns veglias. Per lung da la Via sursilvana entaifer il vitg da Trin Mulin vegn ultra da quai signalisà tempo 50.