La manufactura da skis Zai resta en il Grischun. La midada da Mustér en la val Bregaglia è succedida sulettamain ord ponderaziuns strategicas pervi da la collavuraziun cun la firma da skis Blossom a Chiavenna.
Bregaglia
Il producent da skis grischun Zai, dovra la DNA grischuna. El resta perquai fidaivel al chantun. Tenor la communicaziun da la manufactura Zai saja la collavuraziun cun Blossom Ski da Chiavenna ideala. Quella lubeschia ad els da fabritgar in ski da marca svizra d’auta qualitad. Entras la producziun communabla possia Zai era sa posiziunar en il segment da pretsch mesaun.
Turitg
Cun la midada vegn era intensivada la collavuraziun cun la ETH a Turitg. Là quintan els da pudair sviluppar novs materials. Dentant era en la sparta design saja la cooperaziun cun l’ETH da gronda impurtanza.
La partiziun da svilup da Zai è da nov posiziunada en la vischinanza da l’ETH. Medemamain è era la stizun da demonstraziun en quest lieu. Il nov ski vegn producì il pli baud il 2019/2020 en la Bregaglia.
RR actualitad 17:00
