Legenda:
Daniel Füglister survegn las maschinas da café.
RTR, L. Livers
cuntegn
Surselva - Ustaria Foppa regala a l'hotel Waldhaus maschinas da café
160 maschinas da café per l'hotel Waldhaus a Flem. Quai è il regal d’in ustier a l’auter. Naschida è quella idea avant che l’hotel Waldhaus ha stuì deponer la bilantscha.
Ina saira d’enviern èn Daniel Füglister, il manader da l’hotel Waldhaus e Toni Helbling, il possessur da la ustaria Foppa sesids ensemen per filosofar sur dal turissem a Flem. Spontan haja Helbling ditg: «Jau furnesch questas 160 maschinas al Waldhaus sco regal.»
Che l’idea è vegnida persequitada vinavant haja da far cun il fatg, ch’ils ustiers sajan amis. Els han simplamain vulì tener pled era sche la situaziun era sa midada cun il bancrut da l’hotel Waldhaus.
Legenda:
La campiunessa mundiala da curling Binia Feltscher gida tar la furniziun da maschinas da café.
RTR, L. Livers
