Martin Jäger ha tschernì la scola da Tujetsch per laschar represchentar il chantun Grischun al cortegi da la festa per il giubileum da 700 battaglia da Morgarten. Sedrun saja geograficamain il pli manaivel al lieu da battaglia, ha el ditg. Sco la mainascola Manuela Schnoz ha ditg, saja quai in'onur per els da dastgar represchentar il Grischun. Temas dals sujets ch’els vegnan a preschentar sajan la trilinguitad dal chantun Grischun, il rumantsch u bain era usits sco il Chalandamarz.
Il cortegi ha lieu ils 21 da zercladur ad Oberägeri cun 42 gruppas e total 2'000 persunas.
