La Posta a Trun resta cunquai averta fin almain il 2020. En plirs lieus en Surselva ha la Posta serrà sias filialas ils ultims onns e chattà autras soluziuns. Uschia per exempel a Rabius u Sumvitg.
Suenter discurs cun ils chantuns aveva la Posta communitgà l'onn passà co sia rait da filialas per il 2020 guarda ora. Singulas filialas ha ella anc stuì examinar. Tranter quellas era la filiala a Trun.
La fin dal 2020 vul la Posta puspè pigliar si discurs cun la vischnanca da Trun per decider l'avegnir da la filiala.
RR novitads 17:00