Tenor il messadi per la proxima radunanza communala da la vischnanca da Sursaissa /Mundaun dovra il Rufalipark agid finanzial da la vischnanca. ll manaschi dal Rufalipark na fa simplamain betg avunda gudogn per far las amortisaziuns necessarias.
Ils custs da construir quest bajetg l'onn 2011 èn stads 7,1 milliuns francs. Sco quai che Ernst Sax, il president da vischnanca, ha ditg, propona la vischnanca d’auzar il chapital per segirar la liquiditad dal manaschi. Per quant che quai vegn ad esser n'è anc betg cler. Plinavant pudess la vischnanca era surprender da pajar enavos il credit da 1,5 milliuns francs ch'il chantun ha dà per la construcziun. Uschia vegniss il quint da manaschi dal Rufalipark distgargià per 100'000 francs ad onn.
Venderdi vegn la populaziun orientada, ina decisiun vegni a dar pir il proxim onn.
-
Bild 1 von 2Legenda: Carlo Janka tar l'emprima badigliada dal Rufalipark. RTR, Linus Livers -
Bild 2 von 2Legenda: Il Rufalipark dovra anc ina giada il sustegn da la populaziun – sco tar l'emprima badigliada. RTR, Linus Livers
RR novitads 12:00