-
Bild 1 von 4Legenda: Las plumpas e brunsinas rebattan en las giassa da Sagogn. RTR, Linus Livers -
Bild 2 von 4Legenda: Las vatgas èn loschas da lur ornaments. RTR, Linus Livers
-
Bild 3 von 4Legenda: Spetgar sin las vatgas e visitar la fiera. RTR, Linus Livers
-
Bild 4 von 4Legenda: Robert Caprez ha fatg in patent per fermar las fluras era tar las vatgas senza corns. RTR, Linus livers
La naiv ch'è vegnida uschè baud quest onn ha fatg in stritg tras il quint dals turistichers. La stgargiada è ina da las attracziuns d'atun per il turissem, ma ella n'ha betg gì lieu dapertut sco usità.
Sagogn ha tuttina organisà ina stgargiada ed ha uschia perfin pudì profitar da quai ch'auters n'han betg fatg la stgargiada. A Sagogn vegn la stgargiada cumbinà cun ina festa d'atun ellas giassas dal vitg.
La via atras Sagogn è stada fullanada la sonda vargada cun glieud che ha visità la fiera e spetgà sin la stgargiada. Gion Beeli il sulet pur da Sagogn, ha propi stuì laschar ora cups per pudair realisar la stgargiada da Sagogn. El ha transportà la damaun ina part dals animals ch’eran gia turnads da las alps puspè ensi. Il suentermezdi è el lura chaminà cun tut il muvel bain ornà tras vischnanca.
Ina dunna da Sagogn ha manegià: «Stgargià èsi cura che las vatgas èn idas tras vischnanca».
RR actualitad 06:00