La via da Munt che maina sur Trun siadora tras il guaud e sin ils las aclas da Munt è memia stretga per vehichels forestals moderns. «Ultra da quai è la via en in nausch stan», declera il president da vischnanca, Dumeni Tomaschett. Per 7,4 milliuns duai la via vegnir sanada e schlargiada sin 3 fin 3,2 meters.
Tar ina decisiun positiva dal suveran da Trun, po la vischnanca quintar ch’il chantun surpiglia 77% dals custs. Uschia restia per la vischnanca custs da var 1,7 milliuns.
Perquai che la sanaziun vegn fatga en etappas e dura 10 onns, è quai Tenor Dumeni Tomaschett supportabel per la cassa communala. Sch’il suveran approvescha il credit, lura pudessan las lavurs cumenzar gia la primavaira.