-
Bild 1 von 5Legenda: La stizun Lidl ha en collavuraziun cun la Lia Rumantscha organisà la stizun per rumantsch. RTR, Carlo Albin. -
Bild 2 von 5Legenda: Tut per far paun e pettas è uss er da chattar per rumantsch. RTR, Carlo Albin
-
Bild 3 von 5Legenda: Era products da latg e ligiongias pon ins chattar el Lidl per rumantsch. RTR, Carlo Albin
-
Bild 4 von 5Legenda: Products precuschinads èn in ulteriura part da la stizun. RTR, Carlo Albin.
-
Bild 5 von 5Legenda: Pavel d'animals è in'ulteriura part da la stizun ch'è uss inscritta per rumantsch. RTR, Carlo Albin.
Il rumantsch ha survegnì in plaz prominent en la stizun da Lidl a Schluein. Las novas inscripziuns rumantschas localiseschan ils products en la stizun a Schluein e domineschan il maletg da la butia.
La sedia Svizra da Lidl haja reagì fitg nuncumplitgà e speditiv sin la dumonda da la Lia Rumantscha per midar las inscripziuns. Quai ha declerà il promotur linguistic da la Lia Rumantscha en Surselva David Flepp envers la Quotidiana. La LR è satisfatga e spera che l’agir da Lidl chattia imitaders.
Suondan autras fatschentas?
Actualmain ha David Flepp contactà autras fatschentas a Glion - il Coop ed la Migros. Ils responsabels han reagì positiv e da buna speranza per collavurar ensemen en il futur. Sco emprim sto il nov bajetg dal Coop, sco era quel dal Migros vegnir bajegiads a fin. La Lia Rumantscha vegni dentant a star en bun contact cun las fatschentas da mangiativas, per promover la lingua rumantscha en il mintgadi.
RR actualitad 08:00