-
Bild 1 von 5Legenda: Il spetgar è a fin il chalender 2018 è qua. RTR, Linus Livers -
Bild 2 von 5Legenda: Il club da ballape da Mustér l'onn 1936. mad
-
Bild 3 von 5Legenda: Placat per annunziar in turnier da ballape a Trun. mad
-
Bild 4 von 5Legenda: Pieder Caminada ha scrit la part dal club da Schluein Glion. RTR, Linus Livers
-
Bild 5 von 5Legenda: Manfred Veraguth ha scrit ils fatgs istorics. RTR, Linus Livers
Il «Calender per mintga gi 2018» è vasts e colurads sco forsa anc mai; el cuntegn contribuziuns dad ier e dad oz, pia dal temp passà ed actual. Plinavant datti en il chalender artitgels sur da la natira e quai cun in'entira seria da fotografias da tgirallas. Sco mintg'onn ha era la cultura ses plaz en il chalender. E per l’emprima giada vegn il ballape da la Surselva tematisà en il «Calender per mintga gi».
Ballape
Ils redacturs Manfred Veraguth e Pieder Caminada han rimnà istorgias e fatgs sur dal ballape en Surselva: Per exempel aveva il club da ballape l'onn 1954 mo 7 ballas...dapli na dastgain nus betg tradir.
Ils dus redacturs han repartì la lavur uschia che Manfred Veraguth ha surprendì la part istorica e Pieder Caminada la part da ses club da ballape, il club da Schluein Glion. Il chalender è divertent ed infurmativ per tut ils fans da ballape ed er per ils auters.
Il «Calender per mintga gi» ha quest onn 223 paginas, da quellas èn 14 deditgadas al ballape. I dat el en in'ediziun da 1300 exemplars, quai che saja gia dapi onns il dumber che vegn era vairamain duvrà.
RR actualitad 17:00