Il cussegl da vischnanca da Mustér ha approvà unanim l’emna passada l’emprest da 2,5 milliuns francs e la garanzia da deficit per ulteriurs 2,5 milliuns per ina pendiculara che collia Sedrun cun il territori da skis da Mustér. Quai saja in impurtant pass en direcziun da la colliaziun dals territoris da skis Andermatt, Sedrun e Mustér. Mo sco grond territori hajan ins avunda forza da concurrenzar cun auters territoris en l’exteriur scrivan l’Andermatt-Sedrun SA e las Pendicularas Mustér en ina communicaziun.
Il pievel da Mustér decida ils 27 da november davart ils credits.
RR actualitad 08:00