-
Bild 1 von 2Legenda: Marita Bürkli: Nus purschain a noss osps in'alternativa. RTR, Linus Livers -
Bild 2 von 2Legenda: En questa regiun dal lai ha lieu la «Lasershow » RTR, Linus Livers
Laax è enconuschent lunsch enturn pervia da ses fieu artifizial dal prim d’avust. Quest onn vegnan dentant remplazzadas las rachetas cun chanuns da glisch, ina producziun da «Laser» gest spert il lai. La producziun vegn accumpagnada da musica e tschajera artifiziala sur il lai. La saira da las 22:00 entschaiva la producziun a Laax ed ella cuzza 15 minutas. La «Lasershow» è limitada sin il lieu, ins na vesa betg da lunsch enturn questa producziun.
Dapli custs per la vischnanca
Quant che la vischnanca da Laax lascha custar questa alternativa n'è betg stà d’eruir. Sco quai che Marita Bürkli da la suprastanza da Laax ha ditg ad RTR saja in zic dapli che per il fieu artifizial.
Chauns e giats
Profitar da questa nova purschida pon surtut ils chauns e giats. Per els è quest emprim d'avust in di senza stress.
RR novitads 08:00