-
Bild 1 von 7Legenda: La «Femme de Vals» cun 381 meters duai rumper 3 records mundials. mad -
Bild 2 von 7Legenda: Il model en 3 dimensiuns mussa las dimensiuns dal project. mad
-
Bild 3 von 7Legenda: La tur mesira 381 meters ed ha 82 auzadas. mad
-
Bild 4 von 7Legenda: Il hotel duai survir sco dimora per persunas da fatschenta che vegnan da l'exteriur. mad
-
Bild 5 von 7Legenda: La lobbi dal hotel duai esser lieu d'inscunter per persunas da l'entir mund che fan fatschentas en l'Europa. mad
-
Bild 6 von 7Legenda: Las suitas da luxus cumpeglian per part in'entira auzada. mad
-
Bild 7 von 7Legenda: 107 suitas da luxus èn previsas en il hotel nov - per part suitas sur ina entira auzada. mad
- La tur ha in'autezza da 381 meters
- 107 suitas sin 82 auzadas, e localitads per wellness e restaurants
- La tur custa 300 milliuns francs
- Il credit saja segirà - tenor Pius Truffer tras Remo Stoffel
Ils plans per Val S. Pieder èn gronds
A Turitg ha la 7132 SA preschentà ils plans concrets per l'hotel nov. La finamira centrala na saja numnadamain betg da sa posiziunar cun la cuntrada muntagnarda, mabain cun in project che puntuescha mobilitad e colliaziuns internaziunalas. Quai communitgescha las 7132 SA.
L'hotel cun 107 suitas duai daventar in lieu central per persunas che fan fatschentas en l'Europa. Il transport da la plazza aviatica a Turitg fin a Val S. Pieder duai vegnir succeder cun meds da transport moderns, hai gì num, sco per exempel cun autos da fatschenta ubain helicopters. Plinavant èn prevesidas localitads per differentas purschidas da wellness, bibliotecas, restaurants e bars.
Inspirà saja il project «Femme de Vals» da la sculptura «Femme de Venise» dad Alberto Giacometti. Sco la sculptura saja era il bajetg aut e schlanc. Uschia èsi annunzià da rumper 3 records cun il bajetg da 381 meters autezza.
Ils records en mira
- il bajetg il pli aut da l'Europa
- l'hotel il pli aut dal mund
- il bajetg il pli schlanc dal mund