-
Bild 1 von 3Legenda: La Bogn Tenigia SA cun ils stabiliments d’hotel en Val Sumvitg duai survegnir in possessur nov. RTR, D. Hardegger -
Bild 2 von 3Legenda: La Bogn Tenigia SA cun ils stabiliments d’hotel en Val Sumvitg duai survegnir in possessur nov. RTR, D. Hardegger
-
Bild 3 von 3Legenda: La Bogn Tenigia SA cun ils stabiliments d’hotel en Val Sumvitg duai survegnir in possessur nov. RTR, D. Hardegger
Suenter la mort dal possessur ed acziunari principal Ernst Ludwig Schulz, la primavaira passada, ha ina dretgira a Frankfurt en Germania instradà ina administraziun da relasch. L’administraziun da relasch ha tranter auter l’incumbensa da vender la societad acziunaria Bogn Tenigia SA cun ils bajetgs d’hotel e pliras chasas sco er ils dretgs per la funtauna d’aua minerala. Sco l’ANR scriva dettia quai gia plirs interessents.
La Bogn Tenigia SA fundada il 1962
La societad d’aczias fundada da Schulz aveva cumprà il 1962 ils bajetgs dal hotel da la «Waldhäuser Tenigerbad AG» ch’era vegnida fundada il 1912. Sinaquai ha la Bogn Tenigia SA investì e construì novs bajetgs d’hotel. L’avertura è alura stada il 1973. Trais onns enfin il 1976 è il hotel stà avert. Dapi lura n’èn ils bajetgs d'hotel betg pli vegnids averts.
RR novitads 07:00