Surselva - Interrupziun dal current la notg sin venderdi

Tschertas parts da la Surselva èn stadas senza forza electrica la notg da gievgia sin venderdi. E quai a partir da las 02:00 per radund in’ura, sco la Repower scriva. Pertutgads èn stads en tut radund 8’200 clientas e clients en las vischnancas da Schluein, Laax, Falera, Sagogn e Valendau sco era en parts da Vuorz, Breil, Andiast, Siat e Rueun. La raschun saja stà in defect tecnic en l’ovra electrica a Laax.