Dapi trais onns organiseschan Silvio Pfister e Najat Zimbi da Schlans in camp d'Indians sur Schlans. Var 20 uffants vivan en tenda, van a chaval, e giaudan la vita selvadia.
Ils chavals è il tema che dominescha il champ. Els vegnan decorads e stregliads. Sco quai che Najat Zimbi di, saja la finamira principala dal camp d'emprender d'enconuscher la natira e qua tutgian er ils chavals tiers. En il camp pon ils uffants però er emprender co ch'ins po far itg cun rascha u co ch'ins sa cumporta en la natira.
1 / 6
Legenda:
Silvio Pfister cun il pulain il star dal camp d'Indians
RTR,L.Livers
2 / 6
Legenda:
Mamma, pulain e matta en in esser
RTR, L. Livers
3 / 6
Legenda:
Las decoraziuns han ils uffants fatg sez
RTR, L.Livers
4 / 6
Legenda:
Ils uffants spetgan sin gentar
RTR, L. Livers
5 / 6
Legenda:
Chavaltgar senza sella sco ils Indians
RTR, L. Livers
6 / 6
Legenda:
Avant il turnier ston ils chavals vegnir muentads
RTR, L.Livers
Viver ordavert e durmir en tenda e en clavads sin il fain, e betg avair ina tualetta cun aua è insatge nov per ils blers dals 20 uffants en il camp d’Indians.
audio
Mezdi: Camp d'Indians e chavaltgar per uffants
02:45 min, ord Actualitad dals 29.07.2016.
laschar ir. Durada: 2 minutas 45 Secundas.
Quest onn hai dapli mattatschas che matatschs en il camp a Schlans. Anc avant trais onns era quai pli gulivà, manegia Najat Zimbi. Quai haja probabel da far cun il fatg che chavals e mattatschas na sajan simplamain betg da separar, manegia ella riend.
