A la radunanza communala dals 14 d’october elegian ils convischins da Vuorz la nova suprastanza communala e las commembras ed ils commembers da las differentas cumissiuns. Enfin ils 23 da settember, il termin uffizial d’abdicaziun, han suandantas persunas demissiunà:
- Annalisa Halter – vicepresidenta suprastanza communala
- Regula Grischott – cumissiun da gestiun
- Wilhelm Pfister – cumissiun da bajegiar
Candidatas ni candidats per remplazzar las persunas partentas n’èn anc betg enconuschentas. Tenor la lescha electorala da Vuorz pon talas e tals anc vegnir proponidas la saira da la radunanza.