-
Bild 1 von 8Legenda: Ina part da la gruppa dals Amitgs da tscheiver Trun durant ina saira. RTR, Gion Hosang -
Bild 2 von 8Legenda: La gruppa investescha bler temps per crear lur char. RTR, Gion Hosang
-
Bild 3 von 8Legenda: Suenter che la gruppa ha decidì il sujet èsi da luvrar durant mais per realisar el. RTR, Gion Hosang
-
Bild 4 von 8Legenda: Malgrà ch'igl è fraid èsi da lavurar e dar tut per vegnir a fin cun il char. RTR, Gion Hosang
-
Bild 5 von 8Legenda: Tuts èn cun anim vid la lavur. RTR, Gion Hosang
-
Bild 6 von 8Legenda: Igl è da far fitg differentas lavurs vid il sujet. RTR, Gion Hosang
-
Bild 7 von 8Legenda: Il sujet ha da restar secret fin il di dal til a Trun. RTR, Gion Hosang
-
Bild 8 von 8Legenda: Ina part dal sujet da l'onn passà ch'è anc en il local da la gruppa. RTR, Gion Hosang
Per il pli cumenzan ils «Amitgs da tscheiver» gia l'october cun las lavurs. L'emprim vegnia tschertgà in motto e cura che quels saja decidì vegnia quai cumenzà cun crear il char, declera Patricia Maissen. Als 14 commembers da quella gruppa vai oravant tut per far insatge communabel e dad avair plaschair. Els hajan bler legher e quai saja impurtant. Quest onn na sajan els betg uschè lunsch cun il char da quest temp sco usità. Normalmain sajan els trais emnas avant il tschaiver a fin cun la gronda ed hajan mo pli da far intgins detagls. Ma igl è era gia cler pertge che quai n'è quest onn betg il cas: «Il tschaiver è quest onn simplamain memia baud».
In schef na dettia quai betg decleran els. Mintgin dastga empruvar da far tut. Uschia pon era las dunnas far lavurs ch'ellas na faschessan uschiglio betg. Per il material quinta Patricia Maissan, che guarda da la cassa, ch'i vegn impundì var 2000 francs per onn per far il char. Qua u là vegnia era magari schanegià material. La paja e l'engraziament sajan ils cumpliments ed il plaschair dals aspectaturs als tils.
RR actualitad 12:00