Ina nova ustaria, ina chasa da cultura e la sanaziun da l'infrastructura enturn il Lai Grond da Laax, quai han ils da Laax approvà suenter la radunaza da preventiv.
-
Bild 1 von 3Legenda: Franz Gschwend survegn sustegn per ils projects enturn il lai Grond. RTR, Linus Livers -
Bild 2 von 3Legenda: «Chasa da cultura» – il num è be in titel da lavur. MAD
-
Bild 3 von 3Legenda: Enstagl dal pavigliun vegn bajegià ina ustaria ed in kiosk. RTR, Linus Livers
Questas investiziuns duain esser in impuls per il vitg da Laax ed inizialisar ulteriuras investiziuns en il vitg ed enturn il lai. Quai è il giavisch da Franz Gschwend, il president da la vischnanca da Laax.
Surtut da la ustaria nova sper il lai spetga la vischnanca ina plivalur per la regiun entuorn il lai. Medemamain duai la chasa che remplazza la «Hütte Hutter» daventar in magnet per artists indigens ed esters.
Las passa 200 persunas che èn stadas a la radunanza da preventiv han sustegnì quests projects cumplainamain.
Pe da taglia da 58% sin 50%
La vischnanca da Laax sbassa era il pe da taglia da 58% sin 50% da la taglia simpla chantunala. Laax quinta uschia da pudair daventar anc pli attractiva sco vischnanca d'abitar.
Il preventiv da la vischnanca da Laax è vegnì approvà da la radunanza communala. Sin entradas da 14 milliuns resulta in gudogn da radund 500'000 francs.