Concret: las Ovras electricas Rain anteriur 984,1 milliun uras kilowatt (+130.3 muk l'onn avant); las ovras electricas Glion 295,2 milliuns uras kilowatt (+27.7 muk). Quai resorta dal rapport da gestiun 2014/15 (october - settember).
A la radunanza generala han ils responsabels da l’Axpo alura er discurri d’in fitg bun onn (per las OER èsi schizunt stà il terz meglier cun 15,2% dapli che l’onn avant). In dals gronds projects da questas ovras è stà da sanar la galaria da sviament dal lai a Runcahez. Plinavant han lavurers installà indrizs da protecziun sco tschabergals e barrieras vid ils implants per meglierar la segirtad da persunal e viandants.
-
Bild 1 von 2Legenda: Survista dals implants da la Ovra electrica Rain Anteriur SA. RTR, C. Albin -
Bild 2 von 2Legenda: Survista dals implants da la Ovra electrica Glion SA. RTR, C. Albin
Tar las OEG èn ils generaturs da las maschinas a Tavanasa e Pigniu vegnids controllads l’october ed il november 2014. Per inspectar e far pitschnas lavurs da mantegniment han ins svidà las galarias da Pigniu-Ruschein e Tavanasa-Glion. Quellas sajan en in stan excellent, èsi vegnì ditg.
Dividendas da 1,5 %
Las ovras electricas Rain anteriur pajan ina dividenda da 1,5 % (1,2 milliuns francs) sin il chapital d’aczias da 80 milliuns francs. Acziunaris èn l’Axpo Power SA (81,5 %), il chantun Grischun (10%) e las vischnancas da concessiun Medel, Tujetsch, Mustér, Sumvitg, Trun, Breil (8,5%).
Las ovras electricas Glion pajan ina dividenda da 1,5 % (750’000 francs) sin il chapital d’aczias da 50 milliuns. Acziunaris èn l’Axpo Power SA (85%), il chantun Grischun (10%) e las vischnancas da concessiun Glion, Breil, Vuorz ed Andiast (5%).