Not Carl, il president da la cuminanza d’interess da las vischnancas concessiunarias dal Grischun, n’ha betg savì respunder a questa dumonda. El ha dentant sincerà: «Nus avain anc energia avunda per cumbatter per il bun da la forza idraulica.»
Tenor Not Carl dovri bunas cundiziuns per las vischnancas che mettan a disposiziun l’aua per far energia. Ils tschains sajan ina impurtanta entrada per pudair far investiziuns per exempel era en l'infrastructura per il turissem. Perquai n’è el betg d’accord cun il directur da l’Uffizi federal d’energia Walter Steinmann, che metta en dumonda quests tschains.
Collavuraziun ed ina lobi
Il chantun è en la medema bartga sco las vischnancas. Tenor Not Carl fetschia quel ina buna politica d’energia, cumbattia dentant magari memia pauc per l’energia idraulica. Per cuntanscher bunas cundiziuns a Berna dovria quai tenor Not Carl ina ferma collavuraziun tranter ils chantuns da muntogna ed ina lobi a Berna.