Tranter 15’000 e 17’000 persunas èn idas cun skis mintga di en il territori da Flem Laax Falera durant ils dis da festa. La gronda part dals osps èn turists. Ils indigens guntgeschan las fullas. Quai mussan las cifras da l’Arena Alva. Be stgars 6,5% dals indigens, cun in abunament da stagiun, fan diever da la offerta durant las vacanzas da Nadal. Ed ils paucs che van han para ina strategia.
Ins va si baud e vers mezdi cura che las massas vegnan giain nus a chasa u ad aperitiv.
E nua van ins a prender in sitg? Irina Casutt da Falera tradescha:
Nus ans inscuntrain per exempel en la Tegia Miez per far viva, là vegnin nus ensemen adina er cun auters indigens.
Ma era en quella Tegia èn las bunas plazzas gia bain occupadas quels dis da turists. Dat quai mintgatant sin la gnerva? «Na nus duvrain ils turists, dapli che vegnan e meglier ch'igl è» di Claudio Casutt, er el è da Falera.
