Cun ils 31 da mars 2020 è l'Explorit e sias attracziuns svanida ord il Stenna center a Flem. L'avertura da quella attracziun per uffants e giuvenils è stada il december 2018.
Chantun era involvì
Da lezzas uras è la purschida dal Explorit vegnida taxada dal chantun sco relevanta per il sistem turistic da quella regiun. Il chantun ha empermess sustegn finanzial da fin 1,5 milliuns francs. Eugen Arpagaus da l'Uffizi d'economia e turissem ha anc betg vulì s’exprimer en chaussa.
audio
Explorit cun Siencecity e Kindercity bandunan Flem
02:27 min, ord Actualitad dals 28.04.2020.
laschar ir. Durada: 2 minutas 27 Secundas.
Finiziun en etappas
Senza grondas caneras è l'Explorit svanida e quasi be entras ina casualitad è RTR vegnì attent sin quest fatg. Il Stenna center vegn suenter la crisa da corona bain puspè avert, dentant senza l’attracziun da Sciencecity e Kindercity.
Britta Kaula, la responsabla per marketing e communicaziun dal Stenna center, deplorescha che la firma Explorit ha prendì quella decisiun. Ina decisiun ch'è crudada en pliras etappas.
Il settember 2019 ha la Explorit surdà la restauraziun ed ils kinos a l'hotel Hide, ch'è medemamain domicilià en il Stenna center. Las cifras da visitaders han dentant betg tanschì ed uschia è la decisiun da bandunar Flem crudada. Davart da l'Explorit è nagin stà cuntanschibel per prender posiziun.
Stenna center a Flem: Fatgs e cifras en curta survista
Avrir la boxSerrar la box
L'emprima giada è il project vegnì menziunà il settember 2009 cun ina preschentaziun durant ina radunanza communala. Igl è vegnì schazegià 100 milliuns per quest project. Gia lura era Iso Senn da Son Gagl mainaproject.
Las dimensiuns da quai plazzal da lavur eran immensas:
- 12'000 meters quadrat èn vegnids surbajegiads
- 114 abitaziuns
- 1'200 parcadis per l'Arena Alva
- 2000 meters quadrats per in hotel.
Sco pli grond investur è la CS Real Estate Swizerland cun 100 milliuns da la partida.
La firma Senn che ha planisà l'entir object ha investì var 40 milliuns francs.
Ils ulteriurs investiders èn tranter auter l'Arena Alva, che sa participescha vid la chasa da parcar nova.
I sa resultan custs da var 170 milliuns.
Tschentada dal crap da fundament è stada ils 23 d'october 2015.
L'avertura dal Stenna center ha gì lieu il december 2018.
1 / 5
Legenda:
La stanza e vida, mo las rodas che simboliseschan il temp en restadas.
mad
2 / 5
Legenda:
Ina stanza vida nua che las attracziuns da Siencecity sa chattavan.
mad
3 / 5
Legenda:
Durant il temp da corona è era il Stenna center sco bandunà.
RTR, Linus Livers
4 / 5
Legenda:
Davos il Stenna center sa chattan ils bajetgs cun las abitaziuns da vacanzas.
RTR, Liuns Livers
5 / 5
Legenda:
Il Stenna center ha da cumbatter per restar attractivs.
RTR, Linus Livers