Sch'ins va tras Schlans èsi in pau sco en auters vitgs en la Surselva cun var 100 abitantas ed abitants. Ins entaupa savens strusch glieud. Il prim da schaner è quai dentant auter. Alura vesan ins ch'i ha blera glieud en las chasas e surtut en las stivas da Schlans, blera glieud che va da chasa tar chasa per giavischar in bun nov onn a las vischinas e vischins. Da l'autra vart envida ella tut quels che vulan vegnir en stiva per far viva cun in vinars u in liquor. Plinavant datti biscuits fatgs sez, paun cun paira ed autras delicatessas.
Bumaun a Schlans
-
Bild 1 von 5Legenda: In viva sin l'onn nov en stiva tar Marianna Pfister a Schlans. RTR -
Bild 2 von 5Legenda: Carlo Pfister ha plaschair da retschaiver enconuschents ed enconuschentas en stiva. RTR
-
Bild 3 von 5Legenda: Ils fragliuns Maria Barla e Martin Caduff tar lur tura da Bumaun a Schlans. RTR
-
Bild 4 von 5Legenda: Tschertas persunas èn curt sez sin visitas. Ma pli tard datti alura ina schuppa da charn, uschia l'annunzia vid l'isch. RTR
-
Bild 5 von 5Legenda: Tut è semtgà per las visitas. RTR
Tut tgi che sa legra sin ina visita lascha avert l'isch-chasa. Tgi ch'è sin ina tura lascha savair tschels ch'els vegnian pli tard puspè per avrir la porta.
Per mai è quest usit fitg impurtant. Jau hai plaschair da vesair tut la glieud. Quai di è propi spezial.
L'avantmezdi van ils uffants a chattar Bumaun, il suentermezdi van alura ils creschids a giavischar in bun nov onn. Cunquai che las visitas van anc viaden en la notg enfin il proxim di, è la schuppa da charn semtgada per ils osps.
Nus avain gì blera glieud il suentermezdi. Jau hai adina plaschair cura ch'i vegn blera glieud.
Er la generaziun giuvna mantegn quest usit. Igl è in mument cura che la glieud da tut las vegliadetgnas vegn ensemen per seser vid ina maisa, per discutar sur da quai e da tschai, per esser da cumpagnia e per far ina bella festa.