Ressorts en Surselva - Ils giasts vegnan surtut da la Svizra

Las reservaziuns per la fin d’emna d'Ascensiun èn bunas en il ressort «Pradas» a Breil, di il mainafatschenta Gérard Carigiet. Cunquai che la gronda part dals giasts vegniva fin uss gia da la Svizra na saja la situaziun betg sa midada. Ma tuttina dettia quai ina buna occasiun da persvader ils giasts che van normalmain en l’exteriur en vacanzas e vegnan quest onn a Breil da returnar puspè perquai che la purschida constat.

Ressort Pradas Breil

Avrir la box Serrar la box

• Construì il 2015
• 434 letgs
• 83 abitaziuns

Ressort «Catrina» dovra dapli giasts

Il mument saja il resort da vacanzas «Catrina» sulet occupà ora per tranter 10% e 15%. Per ils mais da fanadur ed avust sajan las reservaziuns dentant meglras, di l’investider e possessur Marcus Weber. La gronda sfida saja da persvader ils giasts da vegnir a Mustér e betg dad ir en las grondas destinaziuns en Svizra. Lezzas sajan il mument la gronda concurrenza cun porscher acziuns spezialas.

Era els porschian uss acziuns sin l’entira purschida, senza saja quai grev. Ma era Marcus Weber conceda che la situaziun porschia era la schanza da mussar als giasts l’attractivitad da la regiun e da persvader il giast svizzer da returnar puspè.

Ressort Catrina a Mustér

Avrir la box Serrar la box

• Construì il 2018/2019
• dapli che 600 letgs
• 140 abitaziuns