La radunanza communala da Trin ha approvà la dumonda da credit da 290 milli francs per midar las localitads dal Volg. Da nov vegn la stizun installada en las anteriuras localitads da magazin da la Flims Electric a Trin Mulin. L'interpresa Volg porta 150 milli francs dals custs da total 440 milli francs per endrizzar la nova stizun.
Preventiv prevesa 500'000 francs gudogn
Plinavant ha la radunanza approvà il preventiv per il 2020 che serra cun in gudogn da radund 500 milli francs. Quai tar entradas dad 8,2 milliuns. Il pe da taglia resta tar 100% da la taglia chantunala simpla.
RTR novitads 21:00