En Lumnezia po la via chantunala tras Lumbrein vegnir sanada. La radunanza communala ha approvà il credit da passa 1,5 milliuns francs, sco la chanzlia communala ha infurmà.
La via saja sin in tschancun da 700 meters per part en in schlet stadi, ed haja stgarps. Plinavant na saja ella betg segira per pedunas e peduns, e betg survesaivla, ha il chantun scrit gia il november 2023 en chaussa. En tut custa il project passa 3,5 milliuns francs.
Plinavant han las 55 persunas preschentas a la radunanza communala gì da decider davart trais ulteriurs credits per renovar e sanar vias. Senza cuntravuschs han ellas approvà: In credit da 520'000 francs per la via communala «Mulin» a Vella, in da 700'000 francs per la via da guaud «Seglias» en il vischinadi da Suraua,
Il rendaquint final per la sanaziun Punt Tgiern a Vrin ch'è serrà cun 165'000 francs danvanz è plinavant vegnì approvà.
