Camiuns che van da Rabius vers la zona industriala Igniu e l’implant da glera, fan quai en il futur senza charrar sin vias localas. La regenza grischuna ha approvà la revisiun parziala da la planisaziun locala, che la vischnanca da Sumvitg ha decis il 1. da matg 2019.
Quartiers distgargiads
En l'avegnir po il traffic pesant dals manaschis ad Igniu charrar sut il vitg da Rabius, uschia ch’ils camiuns vegnan a l’ur dal vitg direct sin la via principala chantunala. Quai scriva la regenza.
RTR novitads 15:00