La Posta realisescha in nov center da distribuziun a Trun. Quel duai vegnir avert sin la primavaira dal 2024. La Posta ha il mument dus centers da distribuziun e repartiziun da posta en la Cadi, in a Trun ed in a Mustér. Quels dus vegnan uss unids en in lieu, numnadamain en localitads da l’anteriura fabrica da ponn a Trun. Quai ha il pledader da medias da la Posta Stefan Dauner confermà sin dumonda da RTR. Las 16 collavuraturas e collavuraturs pon tuts salvar la plazza. Era per las filialas da posta ha quest nov center da distribuziun naginas consequenzas.
Or da l'archiv: Dapi il 2001 na vegnan betg pli producidas textilias sin l'areal da la fabrica da ponn a Trun. Ma bandunada n'è ella tuttina betg – la fabrica.