Questa primavaira han ins constatà sisum il spitg che la Panera setga. Actualmain è in terz da la planta vegliurd grisch e la roma perda las guglias. Tenor il president communal Aurelio Casanova ha l'uffizi forestal da la vischnanca da Glion l'intent da pinar la Panera. E quai anc en il decurs da quest atun. Motivs da segirtad e ristga sforzan probabel da prender quella mesira radicala. Per ils da Luven è quai ina trista sperdita. Ils 29 da december 2015 avevan els anc fatg ina festa per lur «Panera» .
Planta giganta
L'onn 1915 aveva pader Karl Hager descrit per l'emprima giada questa planta. Lura aveva la planta ina autezza da 33 meters, 100 onns pli tard , il 2015 ha il vegliurd da 250 onns cuntanschì ina autezza da 48 meters, quai è circa uschè aut sco ina tur baselgia. Ma la planta n’è betg mo auta, ella è era grossa e ferma. Per embratschar la planta dovr’ins almain sis persunas che dattan il maun ina a l’autra.
Ed oz - curt avant da stuair pinar la Panera - ha questa planta giganta in'autezza da 52 meters ed in diameter da 5.63 meters.
-
Bild 1 von 7Legenda: Il spitg da la panera a Luven cumenza a setgar. RTR, Linus Livers -
Bild 2 von 7Legenda: La Panera vala sco pign il pli aut da la Svizra. RTR, Linus Livers
-
Bild 3 von 7Legenda: Igl è in imposant pign sch'ins stat suten. RTR, Linus Livrs
-
Bild 4 von 7Legenda: Dus terz da la Panera èn gia setgs. RTR, Linus Livers
-
Bild 5 von 7Legenda: Tenor la mesiraziun è la Panera 52 meters auta. RTR, Linus Livers
-
Bild 6 von 7Legenda: Il diameter dal bist è 1,79 meters. RTR, Linus Livers
-
Bild 7 von 7Legenda: La circumferenza è 5.69 meters. RTR, Linus Livers
Ord l'archiv RTR: Cuntrasts dals 07.09.2014
Gigants - tschintg bostgs monumentals en il Grischun
RR actualitad 17:00