La lubientscha d'equipar l’antenna da Ruschein cun la tecnica da 5G è sistida dapi il mars 2020. Quai vegn era anc a restar in mument uschia, dentant è la vischnanca da Glion limitada en ses agir encunter quella nova tecnica.
-
Bild 1 von 2Legenda: Dapi ils onns 90 marchescha l’antenna l’entrada dal vitg da Ruschein. RTR, Linus Livers -
Bild 2 von 2Legenda: Las chasas sut l’antenna en il pli periclitadas da irradiaziun. RTR, Linus Livers
L'orientaziun davart quella nova tecnica, e tge che quai munta per Ruschein, quai è sta in giavisch d'ina petiziun che la vischnanca da Glion ha ussa ademplì.
Ils var 50 preschents han glindesdi saira survegnì infurmaziuns sur da radiaziun electrosmog e las cundiziuns giuridicas tar in proceder da dar lubientscha per quella nova tecnica sin l'antenna existenta. La radiaziun cun la nova tecnica da 5G è 10 giadas pli gronda che fin ussa, las limitas per l'irradiaziun pon dentant vegnir respectadas, è vegnì sincerà.
Quels tegnan nus per tabalori. Tar 3G, 4G ed ussa 5G essan nus anc adina al medem lieu e discurrin anc adina davart il medem.
Grazia a corona ha la sistida da dar quella lubientscha cuzzà varga in onn. Ussa vegn la vischnanca a stuair tractar quella dumonda da la Swisscom e da Salt. Cura che la vischnanca vegn a tractar quella dumonda per l’antenna, n'è betg anc cler.
La vischnanca sto vinavant far sias obligaziuns. Quai vul era dir: spetgar, co ils cas avant dretgira vegnan decidids. Per il mument na san ins betg, en tge direcziun ch’i va cun la tecnologia da 5G. Nus vegnin ad analisar precis, co agir.