En il hotel duai vegnir creà in center d’innovaziun per la cuntrada muntagnarda ed in «FoodLab alpin» - in spazi per experimentar e giudair la cultura da mangiar alpina, quai communitgescha l’uniun Tenna Plus.
En il center stettian la persistenza, specialitads culinaricas, materials e la savida la regiun. Il nov concept duai però er posiziunar il hotel sco center per artistas ed artists - quai tranter auter en collavuraziun cun la ART SAFIENTAL.
Investiziuns dad 8 milliuns francs
Tenor il prestudi muntan las investiziuns a radund 8 milliuns francs. Ina gruppa da lavur d’indigens e da proprietaris da segundas abitaziuns sto sco proxim far in concept da gestiun, in plan da business ed in preproject architectonic.
Il project e las lavurs vegnan tranter auter sutegnì finanzialmain da la vischnanca da Stussavgia e dal Parc natiral da Beverin.
RR novitads 16:00