Il toc actual da la gruppa da teater d’uffants e giuvenils da Mustér è «Buorsa – brat da geniturs» in toc scrits da l’autura Carina Riethmüller ed arranschà da la reschissura e promotura dal teater d’uffants a Mustér Tina Bundi.
Il toc saja in ch’ella vulevia gia daditg manar si, ma ils uffants mintgamai betg e avant trais onns saja alura la decisiun crudada da dar il toc, ma alura saja betg stà pussaivel da far quai fin quest onn, di Tina Bundi. E gist per uffants saja quai in toc ideal, pertge lez veglian barattar ils geniturs cun auters che laschan far els tge ch’els vulan.
Gruppa da scolaras e scolars
En il toc actual giogan 12 scolaras e scolars da 9 fin a 14 onns. Atgnamain avessi duvrà 14 uffants ma als pli pitschens haja ella pudì dar ina rolla dubla e gliez fetschia era plaschair a lez.
L’idea è da promover la giuventetgna da far teater. Ils ultims onns ha la gruppa da teater adina puspè manà si teaters a Mustér il toc actual saja la sisavla producziun, uschia Tina Bundi. E il giugar teater cun uffants porta fritg, uschia sajan gia plirs giuvenils che han cumenzà en la gruppa d’uffants uss activs en la gruppa dals creschids e quai fetschia grond plaschair, di la dunna che maina savens reschia per la gruppa da creschids u gioga activ.
-
Bild 1 von 4Legenda: La gruppa da teater en cumplaina acziun. RTR -
Bild 2 von 4Legenda: Tina Bundi reschissura e promotura dal teater d'uffants declera co tut ha da funcziunar. RTR
-
Bild 3 von 4Legenda: Era la reverenza da la fin sto vegnir trenada. RTR
-
Bild 4 von 4Legenda: Las quatter rollas principalas en acziun durant l'ultima emprova. RTR
Duas producziuns
La gruppa dals uffants vegn a manar si lur toc da teater la sonda ils 10 da zercladur da quart passà las otg en halla Cons e l’ultima giada il venderdi ils 16 da zercladur il medem temp ed il medem lieu.