La superiura da Mustér ha, cun lur project «Aua Viva», gudagnà il premi da l’emna da stailas en la categoria scolas, surdà da l’UNICEF e la revista «Schweizer Familie». En tut han els vendì 500 buttiglias aua minerala, etichettadas enturn per in project da l’UNICEF en il Bangladesch, nua ch’ins gida a fugitivs dal clima da survegnir surtut in meglier provediment d’aua ed aua schubra. Il premi è vegnì surdà a las scolaras ed als scolars da l’emprima e segunda classa superiura da la scola da Mustér la sonda en il teater a Turitg.
In eveniment nunemblidaivel
Per tut las scolaras ed ils scolars in eveniment nunemblidaivel. Els n’avessan mai quintà da gudagnar, ma il plaschair saja grond, uschia las scolaras ed ils scolars tar l’arrivada a Mustér. Era per Christoph Zingg, reverenda a Mustér, ch’ha accumpagnà la classa ed era annunzià ella per il premi, è quai ina gronda e bella surpraisa e satisfacziun. Il premi vegnia a chattar in plaz spezial nua che tuttas e tuts possian admirar el. Lura possian ins adina sa regurdar ch’ins possia muventar era cun pitschnas chaussas il mund, uschia Christoph Zingg.