Museum Regiunal Surselva - Mastergns vegls ch’i na dat betg pli

Sin fotografias veglias che dateschan dals onns 1900 enfin 1950 ves'ins mastergns, ch'ins na sa senza decleraziun betg direct, tge che las persunas illustradas fan. Era mastergns morts ora èn da contemplar.

Fatg ord trais ina

Da l’atun passà ed enfin questa primavaira aveva l’exposiziun da fotografias lieu en trais museums en il chantun. Dasper il Museum Regiunal da la Surselva èn vegnidas mussadas fotografias en la Casa d’Angel a Lumbrein ed en la Fundaziun da Fotografias a Cuera. Damai che quels dus museums han terminà l’exposiziun vegnan tschertas parts da quellas mussadas ussa a Glion.

Mastergns vegls e modernisads

L’exposiziun da fotografias ch’èn vegnidas fatgas tranter ils onns 1900 e 1950 mussa, co ch'i vegniva lavurà da quest temp. Intgins mastergns datti en il temp dad oz gnanc pli, auters han dumagnà la modernisaziun e funcziunan oz a moda fitg digitalisada. Era quest svilup pon ils visitaders da l'exposiziun contemplar.