Sut Mumpé Tujetsch è mort in um da 69 onns tar in accident cun l'auto. Cun charrar engiu da Segnas vers Mises las Cavorgias saja el vegnì giud via, scriva la Polizia chantunala. L'auto saja silsuenter ruclà radund 80 meters da la spunda giu. L'accident è schabegià circa da las 09:20.
L'um saja mort anc al lieu da l'accident, communitgescha la Polizia chantunala. La procura publica e Polizia chantunala investigheschan co che l'accident è capità.