Morissen - «Brunch to go» – in experiment per 2020

Entras l'Uniun da purs Svizra ha Rahel Caduff intervegnì ch'i dat la pussaivladad da sa participar a l’acziun dal prim d'avust cun il num «Brunch to go». Sco il num tradescha po il client empustar ses brunch e retrair quel en ina tastga per purtar a chasa.

Uschia possian ins evitar las grondas fullas da glieud il prim d'avust sin ils bains purils. Ma propi in success n'èsi anc betg. Enfin gievgia saira ha Rahel Caduff survegnì 20 empustaziuns.