Mitja Birlo, il «cuschinier da l’onn» 2022 , chala tar l’hotel «7132» a Val sin il cenit da sia carriera. El banduna l’ustaria 7132 Silver la fin da mars. Quai scriva la revista da Gault Millau. Quella ha dà l'onn passà 18 da 20 puncts al restaurant dal schefcuschinier tudestg da 38 onns. En ses temp a Val ha el sviluppà in agen stil ch’è stagiunal, regiunal ed avert per influenzas da l’entir mund. La pli gronda aventura ch'el ha planisà saja da maridar: «Quai dat ina gronda festa da dus dis», di Birlo. La spusa è Florentina Shenari, fin uss l’ospitanta e sommeliera da 7132 Silver. Era ella vegn a bandunar la chasa ensemen cun ses um futur.
