Glion- acziun da solidaritad - Laschar fotografar per sustegnair fugitivs
Proxima dumengia san famiglias sa laschar fotografar professiunalmain a Glion da Andrea Cathomas. Il retgav è per ils Rohingyas, ch’èn fugitivs el Bangladesch.
1 / 5
Legenda:
Champ da fugitivs.
MAD, Patrick Rohr
2 / 5
Legenda:
Uffants en il champ da fugitivs el Bangladesch.
MAD, Patrick Rohr
3 / 5
Legenda:
Tractament d'in uffant en il champ da fugitivs.
MAD, Patrick Rohr
4 / 5
Legenda:
Champ da fugitivs.
MAD, Patrick Rohr
5 / 5
Legenda:
Il Burma tranter l’India e la China.
RTR, Reto Pfister
Cun ina acziun da fotografar famiglias sustegnan las duas soras Andrea ed Annalisa Cathomas ils fugitivs dals Rohingyas en il Bangladesch. Proxima dumengia, ils 08-12-2019 fa la fotografa da professiun a Glion ina seria da fotografias da famiglia. Tranter las 9:00 e las 14:00 uras fotografescha Andrea Cathomas mintgamai durant 15 minutas la famiglia.
Rohingyas en fugia
Avrir la boxSerrar la box
Legenda:
MAD, Patrick Rohr
Ils Rohingyas èn la populaziun islamica en la terra Myanmar. Il Myanmar è per gronda part budistic e pervia da la tema envers l'islam vegnan ils Rohingyas stgatschads ord la terra. Ils blers scappan en la terra cunfinanta, il Bangladesch. Malgrà ch’il Bangladesch è sez fitg pauper, accepta el ils tschient millis fugitivs.